A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Clun lanza un novo envase para os leites Feiraco e Unicla

Clun lanza un novo envase para os leites Feiraco e Unicla

A cooperativa de segundo grao Cooperativas Lácteas Unidas (CLUN), nacida da integración de Feiraco, Os Irmandiños e Melisanto, modificou o packaging dos seus lácteos co lanzamento dun novo envase para os leites Feiraco e Unicla.

Dispoñible no mercado a partir desta semana, o novo formato de Elopak Pure-Pak® Sense Aseptic, primeiro para lácteos de longa vida no sur de Europa, posúe características que facilitan o seu uso, evitando o goteo e favorecendo a súa reciclaxe a través dun sistema de encartado, segundo Clun.

Clun investiu tres millóns de euros nesta nova liña de envases, que representan unha innovación visual e funcional, dirixida a mellorar a experiencia de consumo. A cooperativa sinala que é o primeiro gran paso que dá desde o seu lanzamento, o pasado mes de xaneiro.

A saída ó mercado dos novos envases enmárcase nunha ampla campaña de difusión en punto de venda e en diferentes soportes e canles informativas, tanto tradicionais como dixitais, e en diversos formatos (insercións publicitarias, anuncios, guías audiovisuais, etc.), activa desde este mesmo mes de outubro.

Deixa unha resposta

O teu enderezo electrónico non se publicará Os campos obrigatorios están marcados con *