A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Cambios na organización de New Holland España

Cambios na organización de New Holland España

Aitor Gatius, novo director Comercial, Sixto Montblanc, novo director de Marketing, e Ramón Maya, nomeado director de Servizos.

New Holland procedeu este ano a modificar o seu cadro directivo. Ramón Maya asume a responsabilidade da Dirección de Servizo de New Holland en España, remprazando a Francisco Santiago, que decidiu optar por un novo desafío profesional á marxe do sector. Ramón acredita unha experiencia de máis de vinte anos de traballo coa marca, asumindo diferentes funcións dentro da compañía nas áreas de posventa e de mercadotecnia.

A marca tamén realizou cambios nas direccións de Marketing e Comercial. Sixto Montblanc asume a responsabilidade da Dirección de Marketing. Sixto leva oito anos xa na estrutura da marca desenvolvendo diferentes roles na área comercial, sendo os últimos anos o Director Comercial de New Holland.

Aitor Gatius asume a responsabilidade da Dirección Comercial, substituíndo a Sixto nesta posición. Aitor estivo traballando desde fai catro anos como Delegado Comercial de tractores New Holland da zona Nordés e enfróntase a este novo desafio con moita ilusión e con ganas de seguir a liña ascendente de resultados que leva New Holland nos últimos anos.

A firma, por último, destaca que o prestixio de New Holland Agriculture baséase no éxito dos seus clientes: empresas de servizo, contratistas, viticultores, gandeiros ou profesionais dos espazos verdes. “Todos poden contar coa máis ampla oferta de innovadores produtos e servizos: unha gama completa, desde tractores até maquinaria de recolección e manipuladoras telescópicas, apoiada polos servizos financeiros personalizados dun especialista en agricultura. Dispón dunha profesional Rede de Concesionarios en todo o mundo, que conta co compromiso de New Holland para garantir a máxima satisfacción de cada un dos clientes”.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información