A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

AGRIS inaugura tenda agraria en Pol

Son 280 m2 de superficie comercial distribuídos nunha área de alimentación e hixiene doméstica e noutra especializada en produtos agrarios.

A fusión da cooperativa San Antonio de Pol (Poluga) con Agris tradúcese nalgunhas novidades como a creación deste establecemento comercial, situado na delegación de Agris en Pol, na localidade de Mosteiro.
O espazo, que inclúe un amplo catálogo de produtos, dispón tanto de áreas destinadas á alimentación e produtos básicos como de seccións especializadas en produtos agrarios, entre elas ferraxería, fitosanitarios, zoosanitarios, pensos ou produtos de hixiene para o muxido.

Ademais, a estratexia comercial do supermercado permitirá axustar os prezos para ofrecer as mellores opcións de compra aos clientes.

Técnicos de Delagro S. Coop., entidade á que está asociada Agris, colaboraron para a planificación da nova superficie comercial.

Asistiron á inauguración Lino Rodríguez, alcalde de Pol; José Luís Fernández e José Manuel López (presidente e vicepresidente de Agris), ademais de socios da cooperativa.

A inauguración da tenda agraria vén reforzar os plans de crecemento da cooperativa, que vén de fusionarse con San Antonio de Pol (Poluga), co fin de establecer sinerxías, optimizar recursos e mellorar os servizos e a rendibilidade dos socios.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información