Xornada de Queserías Entrepinares con gandeiros galegos en Vilalba

Xornada de Queserías Entrepinares con gandeiros galegos en Vilalba

Asistentes á xornada de Queserías Entrepinares

Ao redor de 50 gandeiros de vacún de Galicia reuníronse hoxe, en Vilalba (Lugo), para coñecer os resultados do programa CILAE (Entrepinares polo Ciclo Lácteo Eficiente) no que participan activamente.

O obxectivo de Queserías Entrepinares, a través de CILAE, é asegurar a sustentabilidade das gandarías leiteiras e garantir á industria a subministración de leite da mellor calidade para ofrecer aos consumidores produtos seguros ao mellor prezo. Entrepinares traballa, a través de CILAE, con 14 granxas de vacún en Galicia e con 20 granxas de ovino, 10 de caprino e 3 de vacún en Castela e León, Castela A Mancha e a Comunidade de Madrid.

Alicia Hernansanz, Técnico de CILAE, explicou a importancia da recollida de datos nas granxas para contar con rexistros fiables que permitan unha análise dos mesmos e fixar obxectivos co fin de mellorar a eficiencia e garantir a súa sustentabilidade.

A materia pendente é mellorar na recría

Hernansanz incidiu na importancia de medir os custos da alimentación xa que estes supoñen o 50-60% dos custos totais das granxas. O benestar animal é outro dos factores a analizar xa que, canto maior sexa, maior produtividade terán as vacas. Finalmente, a técnica de CILAE resaltou que os datos das granxas coas que traballan “son moi bos? aínda que a “materia pendente é a recría”.

A continuación, Arnau Álvarez, asesor de gandarías leiteiras, explicou a correlación dos datos obtidos a través de CILAE nas granxas de vacún galegas. Factores como unha alimentación eficiente, a idade de parto das xovencas, a media de lactacións ou a frecuencia de muxidos, entre outros, inflúen na produtividade e sustentabilidade das granxas.

Para finalizar a xornada Xabier Bermúdez, veterinario de Farmvet, explicou as vantaxes e inconvenientes da implantación dos robots de muxido.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información