Xenética Fontao ten os dous mellores touros de España

O touro Quixote ocupa o primeiro posto como touro xenómico, mentres que Torrel lidera a lista de touros probados.

Xenética Fontao ten os dous mellores touros de España

BOS SEIJO BOLTON TORREL ET - BB-83

Os dous mellores touros de raza frisoa de España están nas instalacións que a empresa pública Xenética Fontao ten en Lugo, tanto no caso de animais testados mediante unha avaliación xenómica coma en sementais probados, segundo a última valoración realizada pola Conafe (Confederación Nacional de Frisoa Española).

O xenetista de Fontao, Mauricio de los Santos, precisou que a principal novidade desta última valoración de Conafe é a incorporación como primeiro da lista do touro Quixote, un animal novo que foi valorado de acordo cunha avaliación xenómica para determinar o seu potencial.

Nesa categoría, mídese o potencial xenético dos futuros sementais de acordo cunha avaliación xenómica, mentres que Conafe realiza outra valoración de touros cuxa transferencia xenética xa foi probada, na que Torrel, outro animal de Fontao, ocupa tamén o primeiro posto.

“Quixote ten un potencial xenético tremendo”

Mauricio de los Santos precisou que Quixote é un animal que foi adquirido pola empresa pública -non foi criado nas súas instalacións-, ten un ano de vida, unha morfoloxía “moi correcta” e un “potencial xenético tremendo”.

Por iso, xa está a producir seme nas instalacións da empresa pública e confía en que a súa herdanza xenética sexa “moi apreciada polos gandeiros galegos”.

Con respecto a Torrel, é un animal máis veterano que xa ocupara en anteriores valoracións de Conafe ese primeiro posto, aínda que na última caera á segunda posición.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información