UCGAL denuncia que Hipercor vende leite a 0,39 € o litro

UCGAL denuncia que Hipercor vende leite a 0,39 € o litro

Oferta de Hipercor. Foto: UCGAL

A Unión de Consumidores de Galicia (UCGAL) denuncia que os supermercados Hipercor, pertencentes a El Corte Inglés, están a vender leite de oferta a 0,39 € o litro da súa marca branca, fabricada por Central Lechera Asturiana.

Hipercor ten en marcha a campaña 50% de Rebote na que, do 14 ao 31 de xaneiro ofrece máis de 500 produtos a metade de prezo e sen necesidade de compra mínima, entre eles o leite da súa marca branca, cuxo prezo sen este desconto é de 0,78 euros o litro.

“É un claro exemplo de venda a perdas e de incumprimento do acordo lácteo”

Para UCGAL este desconto aplicado ao leite “supón un incumprimento dos compromisos alcanzados pola distribución co sector lácteo”. “Esta publicidade, que induce a erro no consumidor, parécenos un exemplo claro de venda a perdas”, denuncian desde a asociación de consumidores.
Neste sentido, UGCAL ten pensado tomar medidas respecto diso e trasladar este caso ás institucións competentes de consumo e de comercio.

Dáse a circunstancia, de que El Corte Inglés, propietario dos supermercados Hipercor, alcanzou o pasado martes un compromiso coa Plataforma en Defensa do Sector Lácteo Galego para subirlle 2 céntimos nos pagos do leite ao seu provedor de marca branca, Central Lechera Asturiana, para que traslade esta subida aos gandeiros.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información