Galego
Os conselleiros de Economía, Francisco Conde, e do Medio Rural, Ángeles Vázquez, mantiveron unha reunión con directivos das cooperativas Aira, Icos, Cogasar, Agris, Coelplan e Leira para coñecer de primeira man o proxecto de fusión que teñen en marcha para a constitución dunha cooperativa de primeiro grao.
Dende a Xunta valórase positivamente esta fusión, xa que entenden que o asociacionismo debe contribuír a fortalecer ó sector gandeiro. Segundo trasladaron as cooperativas, se os socios ratifican nas distintas asembleas xerais o acordo de integración, a nova cooperativa de primeiro grao podería entrar en funcionamento a partir do 1 de xaneiro de 2018.
Deste xeito, Aira sumaría máis de 220 empregados e agruparía a máis de 2.800 socios, alcanzando unha cifra de negocio de 93 millóns de euros. A produción de leite dos socios supera os 310 millóns de litros anuais, repartidos entre 1.100 explotacións. Fabrica ademais unhas 200.000 toneladas de pensos e mesturas.
