Este sábado celebrouse dentro da XXXIV Mostra de Exposición de Muimenta (MOEXMU) unha poxa de gando frisón organizada por Africor Lugo. Nesta ocasión saíron á venda dous machos de monta natural e dez femias, tres delas xovencas próximas ao parto e o resto vacas paridas.
Vendéronse dez dos animais presentados, cun volume de vendas de 18.400€, e cun prezo medio das femias de 1.972€, un prezo algo máis baixo que na poxa do mes anterior en Chantada, donde se venderon por 2.084 € de media.
A vaca parida que chegou ao prezo máis alto foi a presentada pola gandería Tio Andrés, de Sarria, que chegou aos 2.200€, unha Epic de 2º parto, parida de xullo, cualificada MB86, con nai e avoa tamén MB. Fue comprada pola gandería Pena Guisande, de O Páramo (Lugo), unha explotación que neste ano ven puxando forte nas subastas de gando frisón de Galicia.
Das xovencas, a que máis se cotizou foi a presentada pola gandería Sobrado, de O Incio, unha filla de Melendi, preñada de xullo con Barman, con nai MB85, que chegou aos 1.900€.
Dende Africor Lugo valoran que “foi unha poxa con moito público, pero escasa en compradores, todos da provincia de Lugo”.
No concurso de gando o título de vaca gran campioa foi para Manteiga Shottle Luna, da gandería de Vila de Cruces Manteiga SC, que gañou tamén o título de mellor criador. O título de xovenca gran campioa foi para Vistahermosa Doorman Fani ET , copropiedade da Gandería Rei de Miñotelo e de Alberto Medina.