Este domingo celebrouse no recinto feiral da Picota, en Mazaricos, a XIII Poxa de Gando Frisón Memorial José Moreira, como culminación dos actos da Semana Gandeira de Mazaricos 2019.
Vendéronse un total de 19 animais procedentes de ganderías da comarca do Xallas, principalmente, cun prezo medio que acadou os 2.534 euros. O prezo máximo logrouno CUNDINS CRISTEL BYWAY ET e CUNDINS ADELA SILLIAN, ambas da gandería CUNORDAM, de Zas, que chegaron aos 3150 euros.
A poxa, organizada por Africor Coruña, coa colaboración do Concello de Mazaricos e da Asociación Gandeiros de Mazaricos, está adicada a José Moreira, que foi director técnico de Africor Coruña durante máis de vinte anos e que faleceu o pasado ano.