Galego
O xurro é un fertilizante de gran valor para as explotacións gandeiras, que pode permitir cubrir as necesidades en nutrientes dos cultivos, cun importante aforro de custos. Sen embargo, dependendo da forma, do momento e das condicións de aplicación, pódese perder ata un 50% do nitróxeno que contén pola transformación en gas amoníaco do nitróxeno que está no xurro en forma amoniacal, como tamén por lavado dos nitratos nas épocas de outono e inverno.
Neste sentido, María Isabel García Pomar, investigadora do Centro de Investigacións Agrarias de Mabegondo (Ciam) explicou recentemente nunhas xornadas celebradas en Lugo cales son as claves para mellorar a eficiencia da utilización do nitróxeno do xurro durante a súa aplicación.
Dos aproximadamente 30 quilos de nitróxeno que conteñen unha cuba de xurro de 10 m3, poden perderse por evaporación entre 3 e 18 quilos, segundo a forma e as condicións de aplicación do xurro. Así se reflexa no seguinte cadro:
|
Eficiencia na utilización do nitróxeno do xurro |
|||||
|
Cantidade |
Forma de aplicación |
Momento de aplicación |
Condicións de aplicación |
||
|
Óptimas |
Boas |
Malas |
|||
| 10.000 kilos (uns 10 metros cúbicos) de xurro conteñen 30 kilos de nitróxeno | Coberteira | Finais de inverno | 0,7 | 0,6 | 0,6 |
| Primavera | 0,5 (15 kg de N) | 0,5 | 0,4 (12 kg de N) | ||
| Outono | 0,4 | 0,3 | 0,3 | ||
| Soterrado | Inmediatamente | 0,9 (27 kg de N) | 0,8 | 0,7 | |
| Menos de 4 horas | 0,8 | 0,7 | 0,6 | ||
| O mesmo día | 0,7 | 0,6 | 0,5 (15 kg de N) | ||
Con estes datos despréndese que::
-A forma de aplicación máis axeitada é a inxección, para evitar o contacto co aire. En caso de non ser posible e ter que esparexelo en parcela antes da sementeira -por exemplo do millo-, recoméndase enterralo pasándolle á parcela unha grade o antes posible, xa que o 50% das perdas ocorren nas primeiras 5-6 horas.
-As condicións óptimas para a incorporación do xurro son con elevada humidade relativa do aire (orballo, ao amencer ou ao solpor), con vento en calma e baixas temperaturas, pera reducir a evaporación. Non se recomenda aplicar o xurro con tempo seco, ao mediodía, con forte vento e/ou con altas temperaturas.
