Listado de ganderías de Galicia gañadoras dos premios á mellor calidade sanitaria do leite 2018

O conselleiro do Medio Rural, José González, presidiu este mediodía en Vilalba, xunto coa conselleira de Medio Ambiente, Territorio e Vivenda, Ángeles Vázquez, a entrega dos II Premios Exceleite á excelencia hixiénico-sanitaria das explotacións leiteiras de leite cru de vaca durante o ano 2017.

Preto de 5.000 granxas galegas podían optar a estes premios, todas as que están inscritas no Rexistro de Explotacións Leiteiras de Calidade Diferenciada (Recaldi) e que, polo tanto, están en disposición de usar o distintivo de calidade Galega 100%. Delas seleccionáronse, con criterios técnicos, as 50 explotacións finalistas e posteriormente os 20 recoñecementos entregados hoxe nun acto celebrado no hotel Spa Attica 21 de Vilalba.

Gañadores premios Exceleite 2018:

GRUPO	PREMIO	NOME	CONCELLO	PROVINCIA
GRANDE – EXTENSIVO	1	BARCO FUENTES SANTIAGO	TOURO	A CORUÑA
GRANDE – EXTENSIVO	2	GONZALEZ FOLGUEIRAS MARIA SIRA	SARRIA	LUGO
GRANDE – SEMIEXTENSIVO	1	GANADERIA GASU, S.C.	TORDOIA	A CORUÑA
GRANDE – SEMIEXTENSIVO	2	VILAGUDIN S.C	ORDES	A CORUÑA
GRANDE – INTENSIVO	1	MONICA LANDEIRA Y OTRO, S.C.	VAL DO DUBRA	A CORUÑA
GRANDE – INTENSIVO	2	GANDEIRIA PEREIRIÑA S.C.	VAL DO DUBRA	A CORUÑA
MEDIANO – EXTENSIVO	1	PIÑEIRO S.C.	CASTROVERDE	LUGO
MEDIANO – EXTENSIVO	2	CORTES FERNANDEZ ANGEL	RODEIRO	PONTEVEDRA
MEDIANO – SEMIEXTENSIVO	1	BALEATO PAZOS JESUS MANUEL	TORDOIA	A CORUÑA
MEDIANO – SEMIEXTENSIVO	2	REGUERA LAMELA PAZ	CASTROVERDE	LUGO
MEDIANO – INTENSIVO	1	PEREZ BOTANA, CARMEN	FRADES	A CORUÑA
MEDIANO – INTENSIVO	2	LANDEIRA COSTA LOURDES	TRAZO	A CORUÑA
PEQUENO – EXTENSIVO	1	A RIVEIRA S.C.	SOBRADO	A CORUÑA
PEQUENO – EXTENSIVO	2	MOURIÑO GONZALEZ BENITO	SILLEDA	PONTEVEDRA
PEQUENO – SEMIEXTENSIVO	1	PENIN JUL MARIA IRENE	PALAS DE REI	LUGO
PEQUENO – SEMIEXTENSIVO	2	HERMANOS PRADO CARRACEDO C.B.	VILALBA	LUGO
PEQUENO – INTENSIVO	1	GOMEZ VARELA MARIA	MELIDE	A CORUÑA
PEQUENO – INTENSIVO	2	PRIETO VAZQUEZ MARIA JOSE	ARANGA	A CORUÑA
ECOLÓXICO	1	RIVAS LAMAS ANGEL	FRIOL	LUGO
ECOLÓXICO	2	TORRES LOPEZ CONCEPCION	CHANTADA	LUGO

Os gandeiros galegos ingresaron por venda de leite máis de 639 millóns de euros ata setembro

O conselleiro do Medio Rural, José González, destacou neste acto que nos primeiros nove meses do ano, os gandeiros galegos ingresaron preto de 36 millóns de euros máis que no 2017, é dicir, un 6% máis, ata superar os 639 millóns de euros en termos globais.

Estes datos, matizou o conselleiro, “son froito do traballo e a seriedade dos gandeiros nas explotacións, que converteron ao sector lácteo no buque insignia do rural galego e conseguiron situar a Galicia como líder indiscutible dentro de España, non só polo seu volume de produción senón tamén pola calidade da súa materia prima”.

O conselleiro reiterou a importancia de manter o bo status sanitario da cabana gandeira de Galicia para acadar esa calidade diferenciada, algo que xunto co benestar animal, convértense nas claves deste eido produtivo. Así, González salientou que o seu departamento continuará achegando recursos, ata 17 millóns de euros no ano 2019, para esas campañas de sanidade animal. Neste senso, agradeceu a colaboración dos gandeiros e o gran traballo que realizan tamén os técnicos, veterinarios e persoal que asesora aos produtores.

Nova liña de axudas para fomentar a recría

O titular de Medio Rural tamén fixo fincapé no papel protagonista que teñen as mulleres e os mozos nestes premios Exceleite, algo que ten importancia, dixo, porque demostra a remuda xeracional no agro.

Así mesmo, referiuse aos traballos de investigación asociados á recuperación dos recursos autóctonos gandeiros, sinalando que se vai afondar na mellora xenética da raza frisona, para a cal se vai establecer pola Consellería unha nova axuda dotada con 200.000 euros para fomentar a recría desta especie.