Concurso e poxa de gando frisón o próximo fin de semana en Lalín

Concurso e poxa de gando frisón o próximo fin de semana en Lalín

Edición do ano pasado de FEIRADEZA

Lalín acollerá o vindeiro fin de semana, 6 e 7 de xullo, unha nova edición de FEIRADEZA, que inclúe o Concurso e a Poxa de Raza Frisoa. O certame, que se celebrará na carpa anexa ao pavillón Lalín Arena, será xulgado polo portugués Henrique Moniz.

A entrada do gando farase o venres e o sábado terá lugar a inauguración de FEIRADEZA ás 16:00 horas. De seguido, dará comezo o concurso coas seccións de becerras e xovencas. E ás 18:15 horas dará comezo o concurso de manexadores.

O domingo a xornada comezará ás 10:30 horas co concurso de vacas nas distintas categorías, que rematará coa elección da vaca Gran Campioa de FEIRADEZA 2019. Arredor das 13:15 horas dará comezo a Poxa de Gando Frisón, na que sairán á venda animais de ganderías da provincia de Pontevedra. A xornada rematará coa entrega de premios e cun xantar.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información