Unións critica que a Xunta reduciu un 25% as axudas para loitar contra a couza da pataca

Publicidade
Unións critica que a Xunta reduciu un 25% as axudas para loitar contra a couza da pataca

O sindicato Unións Agrarias critica que “a Xunta de Galicia decidiu reducir o xa escaso orzamento que destinaba a axudas polos danos derivados da praga da couza guatemalteca, nun 25% a pesar de ser cada vez maior a superficie afectada”.

A organización agraria lembraque “na actualidade hai 60 concellos afectados e coa produción de pataca suspendida do que se derivan miles de parcelas sen colleita”. “Para todo eles a Consellería do Medio Rural ten previsto un investimento irrisorio de 75.000 euros o que supón unha irresponsabilidade que vai a causar a continua extensión da praga”, advirten.

Neste sentido, o sindicato Unións Agrarias “resulta imprescindible unha maior vontade orzamentaria na que se inclúa o lucro cesante por non plantar patacas nas zonas afectadas para atallar a praga con maiores posibilidades de éxito”.

“A partida que se tería que dispoñer –uns 3,5 millóns de euros para cubrir unha demanda dunhas 180.000 toneladas de consumo-, resulta pequena se se teñen en conta os danos económicos aos que habería que facer fronte se a praga non se contén e chega as zonas de produción de pataca para comercialización como agora ameaza en Coristanco”, argumentan dende Unións Agrarias.

Por parte da organización agraria tamén poñen de manifesto a necesidade de que se faga público o traballo da Comisión de seguimento que o Parlamento ordenou abrir sobre esta praga á Medio Rural, “posto que a falta de datos coñecidos fai pensar da escasa dimensión dos traballos que acometeu”.

Finalmente, desde Unións Agrarias voltan a insistir na necesidade de que a Xunta pida á Entidade Estatal de Seguros Agrarios (Enesa) un seguro específico sobre a praga que poida afectar aos profesionais do sector.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información