Consellos para o coidado da horta en outubro

Consellos para o coidado da horta en outubro

Outubro é unha época de transición entre o final dos cultivos de verán e o comezo dos de outono-inverno. Velaquí algúns consellos para a nosa horta:

-O mes de outubro é o do Samaín ou Festa das Cabazas que marca o aninovo celta. Cara mediados ou finais de mes deberemos recoller as que teñamos na horta, gardándoas nun lugar fresco e enxoito, a ser posible con algo de palla ou un cartón debaixo. Evitar os golpes tamén axudará a que non podrezan e alongará a súa conservación.

-Poderemos seguir recollendo os últimos pementos, tomates e berenxenas. As acelgas seguirán producindo, e remolachas de mesa e porros poden permanecer sen problema na horta ata comezos de abril.

-Se non o fixemos xa, poderemos sementar os últimos nabos e brásicas (repolo, couveflor, brócoli…) de inverno. Para sementar os nabos é aconsellable que a terra teña algo de humidade, ou que se prevean chuvias de importancia nos próximos días. En canto ao repolo ou ao brécol, cando o plantamos de bandexa unha boa cuberta con restos de herba ou molime axuda a reter a humidade, evita ter que sachar e favorece o crecemento das plantas.

-Poderemos plantar tamén escarola e leitugas de inverno.

-Nas parcelas que nos quedaron libres é recomendable sementar abonos verdes (nabos, avea, centeo..etc) para evitar que a terra quede descuberta. Outra forma de protexer a terra núa fronte ás xeadas, especialmente se é unha horta pequena, é cubrila cunha capa grosa de herba ou estrume do monte, que se irá descompoñendo durante o inverno, creando unha capa de abono para os cultivos de primavera, ao tempo que protexe o solo e reduce o nacemento de herbas.

-Como no resto dos meses, seguiremos acumulando materia orgánica (herba, follas, restos orgánicos da cociña….etc) para abonar a nosa horta en primavera.

image_print

2 ideas sobre “Consellos para o coidado da horta en outubro

    • campogalego

      Si, se puede hacer sin problema. Hecha una buena capa para que se vayan pudriendo durante el invierno.

      Contestar

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información