¿Como saber se unha parcela está na zona de vixilancia da couza da pataca?

¿Como saber se unha parcela está na zona de vixilancia da couza da pataca?

Zona infestada e zona tampón da couza guatemalteca

A empresa Proyestegal SL ven de facer público un visor xeográfico que permite identificar as parcelas que se atopan encadradas dentro da zona tampón da couza guatemalteca da pataca, unha zona fixada hai uns días pola Xunta de Galicia.

En concreto, a ferramenta permite ver se a parcela está na franxa ou zona tampón na que a Xunta extremará tamén as medidas para evitar que se propague a couza guatemalteca, abarcará cinco quilómetros ao redor do límite dos concellos con praga e afectará a Pontedeume, Monfero, Xermade, Muras, Vilalba, Cospeito, Castro de Rei, Pol, Meira, Ribeira de Piquín, A Fonsagrada, As Somozas, Moeche, Cerdido, Cedeira e Cariño. En cinco destes concellos, os das Somozas, Moeche, Cerdido, Cedeira e Cariño, ao abranguer esta franxa o 95 % da súa superficie, establécese como zona tampón todo o territorio.

Nestes cinco concellos deberán aplicarse as medidas de vixilancia intensiva previstas no real decreto estatal e establécese a obriga da comunicación á Consellería do Medio Rural, inmediatamente despois da sementeira, de todas as parcelas plantadas nestas zonas.

O visor pódese consultar dende este enlace:
http://proyestegal.com/couza/

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información