A Xunta expediu no que vai de ano un 30% máis de carnés de fitosanitarios

A Xunta expediu no que vai de ano un 30% máis de carnés de fitosanitarios

A Consellería do Medio Rural expediu no que vai de ano un total de 10.945 carnés de fitosanitarios, en 1.466 cursos, ademais de realizar máis dun centenar de charlas divulgativas. Así o destacou onte en Outes a conselleira Ángeles Vázquez durante o inicio dun curso para a obtención de dito carné.

En concreto, no que levamos de ano, a Consellería expediu un total de 10.945 carnés de aplicador-manipulador de produtos fitosanitarios, entre o nivel básico e o cualificado, o que supón un incremento superior ao 30% con respecto aos 7.800 expedidos no mesmo período de 2015.

Os cursos impartidos para a súa obtención polo departamento que dirixe Ángeles Vázquez foron máis de 380 en 2016, aos que hai que sumarlle outros 1.086 organizados por entidades colaboradoras. Para que toda a xente que o precise poida realizar estes cursos, a Consellería puxo en funcionamento o pasado mes de abril un aula móbil de formación, con capacidade para 30 alumnos e conta cos medios audiovisuais precisos para impartir, de xeito máis didáctico, as materias e poder realizar as pertinentes prácticas. Os cursos de formación estanse dando en horario de mañá e tarde para que os alumnos poidan compatibilizar a súa asistencia coas actividades agrícolas da zona. Cada curso terá unha duración de 25 horas, das cales 9 serán prácticas.

A maiores, e dada a gran afluencia de solicitantes do carné de fitosanitarios, Medio Rural decidiu organizar charlas informativas para deixar claro quen ten a obriga de sacar dito carné. Dende que entramos no 2016, foron máis dun centenar as charlas realizadas pola xeografía galega, dando cobertura a máis de 3.700 persoas.

Pódense mercar os produtos fitosanitarios cos xustificantes de ter superado o curso e de solicitude do carné

Por outra banda, para facilitar a compra e uso de produtos fitosanitarios en tanto se expide o correspondente carné de manipulador, a Consellería emitiu unha Resolución pola que se ditan instrucións relativas ao procedemento para a expedición e renovación do carné básico de manipulador-aplicador de produtos fitosanitarios.

Desta forma, e en tanto non se expide o correspondente carné, poderase comprar e usar ditos produtos mediante a xustificación de que se está en posesión da formación pertinente coa presentación do certificado emitido pola entidade de formación autorizada -ben sexa da Xunta ou das entidades colaboradoras- e co xustificante da presentación da solicitude de emisión do carné ante as autoridades competentes.

Así mesmo, para o caso de renovación de carnés de nivel básico, dita renovación farase de forma automática coa presentación previa de dita solicitude e presentando o carné antigo. Neste senso, cabe lembrar que as renovacións de carnés son cada 10 anos.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información