Silleda pon en marcha unha rede de calor con biomasa que lle dará servizo ós veciños

A primeira fase da iniciativa, que se inagurou esta semana, suministrará calefacción e auga quente a edificios municipais e a un hotel. O Concello prevé crear un centro de estelado de madeira en colaboración cos propietarios forestais da comarca

Silleda pon en marcha unha rede de calor con biomasa que lle dará servizo ós veciños

Inauguración da rede de calor de Silleda.

O Concello de Silleda vén de poñer en marcha unha rede de calor con biomasa pioneira en Galicia. O sistema, que se inaugurou esta semana, está a suministrar calor e/ou auga quente a varios edificios municipais (pavillón deportivo, campo de fútbol, piscinas, escola infantil) e a un hotel. A segunda fase permitirá que se conecten as comunidades de propietarios do núcleo de poboación principal do municipio.

A instalación dotarase ademais nun futuro dunha planta anexa de estelado de madeira, que se abastecerá dos montes da localidade e do resto da comarca. O Concello xa iniciou contactos cos propietarios forestais, de cara a pechar acordos de suministro, que “redundarán nun maior coidado dos montes e nunha revalorización da madeira destinada a biomasa”, consideran no goberno local.

A primeira fase da instalación foi inaugurada o pasado venres polo alcalde, Manuel Cuiña (PSdeG), e o conselleiro de Economía, Francisco Conde. O proxecto conta cun investimento total de algo máis dun millón de euros, sendo financiado ó 80% pola Xunta e o resto polo Concello e Deputación de Pontevedra. Calcúlase que nunha primeira fase, a rede de calor permitirá o aforro de 81.000 euros anuais, cantidade que se elevará ata 93.000 euros cando se remate a conexión con todos os edificios municipais (Casa da Cultura, Concello, etc.).

A rede, de biomasa con astilla subministrará calefacción e/ou auga quente sanitaria aos edificios antes citados e prevese que nunha segunda fase incorpore tamén as comunidades de propietarios que desexen conectarse.

A instalación ten unha potencia de 1 megawatio e na primeira fase colocáronse case 2 kilómetros de tubería preaislada, dotada de illante térmico para minimizar as perdas de calor.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información