Curso de poda de frondosas para producir madeira de alto valor

Publicidade
Curso de poda de frondosas para producir madeira de alto valor

Actividade da Escola de Silvicultura do Pico Sacro, coa marcaxe de pés de carballo americano para un rareo.

A Asociación Forestal de Galicia (AFG) programou para o vindeiro 7 de agosto un curso práctico sobre poda de formación en frondosas caducifolias. A actividade, que se desenvolverá no Monte Demostrativo do Pico Sacro, busca promover unha correcta silvicultura nas plantacións de especies coma a nogueira, o castiñeiro ou o carballo.

O obradoiro será impartido polos enxeñeiros da Asociación Francisco Dans e Braulio Molina. Desenvolverase o mércores 7 de agosto, de acordo co seguinte programa:

17.30 h – Introdución aos principios e criterios técnicos da poda de formación. Centro de Interpretación do Pico Sacro.

18.15 h – Prácticas en plantacións de nogueira, castiñeiro e carballo con ferramentas manuais e eléctricas. Monte demostrativo do Pico Sacro.

Todas aquelas persoas interesadas en asistir deberán poñerse en contacto previo coa oficina da AFG en Santiago (teléfonos 981 564 011 e 618 752 214, correo electrónico: [email protected]).

O obradoiro de poda, apoiado polo Grupo Inditex, continúa así a liña de traballo que vén desenvolvendo o Monte Demostrativo do Pico Sacro desde o verán pasado. Entre outras actividades, o Monte xa acolleu demostracións prácticas de plantación de frondosas, de poda de castiñeiro e nogueira, así coma un obradoiro de poda e rareo de carballo americano. Outra acción formativa foi o pasado outono unha demostración de recollida mecanizada de castaña.

Monte Demostrativo do Pico Sacro

O proxecto do Monte Demostrativo do Pico Sacro, impulsado coa colaboración do grupo Inditex, ocupa 18 hectáreas de monte e superficie agraria en Boqueixón. A iniciativa, posta en marcha na primavera do 2018, ten como obxectivo funcionar a modo de Escola de Silvicultura, combinando a produción de madeira de frondosas co aproveitamento de cogomelos e froitos do bosque, así coma con cultivos agrarios.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información