Castaña de Galicia só certificou menos do 1% da produción galega

A pesar de subir anualmente un 20%, o consello regulador Castaña de Galicia pechou a pasada campaña cun total de 130 toneladas certificadas e comercializadas, sobre un total de produción de entre 12 e 15 millóns de quilos.

Publicidade
Castaña de Galicia só certificou menos do 1% da produción galega

Castañas no ourizo. Autor: IXP Castaña de Galicia.

O consello regulador Castaña de Galicia pechou a pasada campaña cun total de 130 toneladas certificadas e comercializadas, a maioría no mercado nacional, a pesar de que a produción total en Galicia se situou entre os 12 e os 15 millóns de quilos de froito, segundo explicou onte en Lugo o presidente do órgano reitor, Jesús Quintá.

O propio Quintá recoñeceu que a pasada campaña “foi complicada”, porque fixo “demasiada calor entre os meses de novembro e outubro”, o que influíu de forma negativa no crecemento do froito e, consecuentemente, supuxo unha importante mingua de calidade.

En calquera caso, confirmou que, “aínda que custou un pouco” chegar a esa cantidade de castaña certificada, a que se puxo no mercado era dunha excelente calidade e “tivo un éxito comercial importante”.

En canto ao prezo, precisou que dende que se creou a denominación de orixe, no ano 2011, subiu de forma constante ano tras ano, nunha porcentaxe que roza, campaña tras campaña, o 20%.

De feito, precisou que nalgunhas bisbarras de Galicia e en zonas concretas, como a de Verín, o quilo de castaña de máis calidade chegou a pagarse a 2 euros.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información