Galego
Administración convocante: Consellería do Medio Rural
Enlace axuda: http://www.xunta.gal/dog/Publicados/2017/20170502/AnuncioG0426-280417-0001_es.html
Prazo: Ata 15/05/2017
Resumo:
A Consellería do Medio Rural ampliará ata o día 15 de maio o prazo para presentar as solicitudes de axudas de plans de mellora e axudas de incorporación. Así o confirmaron a Campo Galego dende o gabinete do departamento que dirixe Ángeles Vazquez. A orde de ampliación publicarase previsiblemente o próximo martes no Diario Oficial de Galicia.
Dende organizacións como Unións Agrarias viñan advertindo nas últimas semanas que o prazo para presentar estas axudas, que remata oficialmente o vindeiro martes 2 de maio, era insuficiente polo que demandaban unha ampliación do prazo de solicitude.
O atraso en publicar a normativa complementaria da orde de axudas -publicada o 20 de abril- e a coincidindo ademais en pleno período de ensilado e sementeira do millo, fixeron que, segundo Unións que “só se presentaran á convocatoria ata agora pouco máis dun 30% dos expedientes cursados o pasado ano, polo que de non ampliarse o prazo de solicitude moitos potenciais beneficiarios quedarán fóra”.
A Consellería do Medio Rural responde a esta demanda e amplía o prazo para solicitar as axudas de plans de mellora e axudas de incorporación ata o 15 de maio, data límite tamén para presentar a solicitude das axudas da PAC.
