Roubo dun tractor e dunha plastificadora en Agolada

Roubo dun tractor e dunha plastificadora en Agolada

Plastificadora e tractor roubados estes días en Agolada.

Unha explotación de Agolada sufriu na última semana dous roubos consecutivos. No primeiro, perdeu só ferramentas e apeiros de reducida dimensión, pero na segunda ocasión, uns días despois, sufriu a perda dun tractor, un Fiat 6066, e dunha plastificadora, unha Enorossi BW 100 que fora mercada nova esta primavera. O caso foi denunciado ante as forzas de seguridade, que están investigando a sustracción.

Vista lateral do tractor roubado.

Vista lateral do tractor roubado.

O almacén no que se gardaban o tractor e a plastificadora de bolos contaba cun portal con chave, instalado hai cousa dun mes, pero non foi impedimento para que as persoas que asaltaron a nave lograsen abrilo, ó conseguir mover os pasadores interiores do portal, instalado sobre un solo de zahorra. Tras o primeiro asalto, o propietario reforzou os pasadores con tornillos, para impedir unha segunda incursión, pero a medida non foi suficiente para evitar un segundo roubo, días despois.

En Agolada, barállase a hipótese de que o tractor e a plastificadora foron introducidos nun camión para levalos do lugar. A nave na que se produciu o roubo, ubicada na parroquia de Artoño, estaba apartada das casas e a finca estaba protexida por catro mastíns con cadeas, pero a pista de saída quedaba libre, sen acceso para os cans, polo que as persoas que roubaron puideron operar sen problemas.

Plastificadora roubada.

Plastificadora roubada.

Os afectados están a distribuír as imaxes das máquinas roubadas e piden a colaboración de calquera persoa que as poida ver ou que poida aportar información. Tamén advirten ás explotacións da comarca do sucedido para que se tomen as medidas de prevención posibles.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información