O Consello de Ministros autorizou o pasado venres a subscrición dos Convenios de colaboración entre o Fondo Español de Garantía Agraria (FEGA) e 12 Comunidades Autónomas, entre elas Galicia, para o desenvolvemento e mantemento da aplicación informática para a xestión das axudas da Política Agraria Común (PAC).
O FEGA impulsou hai dous anos este programa informático conxunto encargado de xestionar as axudas, que incluía unha nova aplicación informática xa adaptada aos cambios da nova PAC.
Sen embargo, o primeiro ano de funcionamento do programa provocou un calvario tecnolóxico para asociacións, gandeiros e administración que se saldou cun atraso xeneralizado e múltiples incidencias que atrasaron o cobro das axudas da PAC.
En concreto, todas as Comunidades Autónomas integradas neste programa tiveron problemas para integrar os datos no sistema e atopáronse con problemas e deficiencias nos datos que hai que depurar; o que provocou un atraso nos pagos. Salváronse o País Vasco, Cataluña e Castela e León, que a partir do 16 de outubro puideron pagar os adiantos ao ter programas propios.
Dúas modalidades de participación
Os convenios para renovar o acordo entre o FEGA e as CCAA presentan dúas modalidades de participación. Por unha banda, unha modalidade completa, na que a comunidade autónoma terá acceso a todos os módulos da aplicación informática. Nesta situación atópanse as comunidades do Principado de Asturias, Illas Baleares, Cantabria, Castela-A Mancha, Galicia, A Rioxa, Madrid, Rexión de Murcia, Comunidade Foral de Navarra e Generalitat Valenciana.
Mentres, na modalidade parcial as comunidades terán acceso a todos os módulos con excepción do módulo de captura, en cuxa situación se atopan as comunidades de Andalucía e Aragón.
En ambas as modalidades defínense as condicións de colaboración entre o Estado e ditas Comunidades Autónomas para o mantemento da aplicación informática para a xestión, control e cálculo do pago das axudas directas e medidas de desenvolvemento rural, no ámbito da PAC 2015-2020, desenvolvida polo FEGA.
O custo total do mantemento e desenvolvemento da aplicación informática ascende a 2.423.554 euros. Desta cantidade, o FEGA faise cargo do 50%, asumindo o que lle correspondese ás comunidades autónomas que non participan máis o 30% procedente das comunidades que participan na modalidade parcial, o que supón un total de 1.606.289 euros.
Cada Comunidade Autónoma encargarase do despregamento, administración e operación do sistema de produción, e prestará o servizo de soporte informático aos usuarios de primeiro nivel. Ademais, financiará parcialmente o mantemento da aplicación informática, segundo a repartición indicada no cadro seguinte:
-
Comunidades Autónomas
Modalidade de Participación
Importe €
Andalucía
Parcial
193.768,45
Aragón
Parcial
58.526,40
Asturias (P. de)
Completa
34.741,32
Balears (Illes)
Completa
31.494,22
Cantabria
Completa
29.870,66
Castilla-La Mancha
Completa
158.131,44
Castilla y León
No Participa
–
Cataluña
No Participa
–
Extremadura
No Participa
–
Galicia
Completa
58.282,86
Rioja (La)
Completa
32.305,99
Madrid (C. de )
Completa
31.494,22
Murcia (R. de)
Completa
38.800,21
Navarra (C. F. de )
Completa
40.423,76
País Vasco
No Participa
–
C. Valenciana
Completa
109.424,82
O ano 2015 é o primeiro no que se xestiona e captura este novo modelo das solicitudes das axudas da PAC. Estes convenios de colaboración para o uso da aplicación informática, desenvolvido polo FEGA, teñen como obxectivo mellorar a coordinación e a homoxeneización na xestión das axudas nas distintas Comunidades Autónomas, harmonizando a xestión e reducindo os custos para as administracións públicas.