Galego
O hidroinflado consiste no lastrado das rodas mediante auga, ocupando o aire arredor do 25% do volume restante. Juan A. Gómez Lavandeira, delegado de Agricultura e OTR de Bridgestone Hispania explicou que “hai 40 anos, con tractores que pesaban pouco, podíase entender hoxe en día non ten sentido e os problemas que provoca non compensan o aforro que poidamos ter en non comprar un contrapeso”.
Entre as desvantaxes deste método, Juan A. Gómez Lavandeira enumerou as seguintes:
· Maior peso, e polo tanto maior consumo de combustible. Por exemplo, para un tractor de 120 cabalos lastrando os pneumáticos con auga estaríamos engadindo un peso duns 1.700 kilos.
· Incremento da compactación do solo, xa que o pneumático está máis ríxido. Esta compactación provocará unha menor produtividade do cultivo.
· Peor distribución de pesos e, polo tanto, perdas nas eficiencia do motor. En tractores con dobre tracción , o 40% do peso debe estar no eixo dianteiro e o 60% no traseiro.Se lastramos as rodas do eixo traseiro con auga desequilibramos o reparto de pesos.
· O tractor ten maior inercia interna, polo que freadas e as aceleracións son a golpes, non son continuas. Isto provoca un maior abuso e desgaste de freos.
· Aumenta a rixidez do pneumático, e polo tanto diminúe o confort e hai un maior risco de roturas.
· O tractor pasa máis tempo inactivo en reparacións e montaxe/desmontaxe dos pneumáticos. É dicir, hai unha menor produtividade do tractor e do tractorista.
“É dicir, hai claramente uns maiores custos operativos co hidroinflado que coa compra de contrapesos para o tractor. A medio e longo prazo claramente sáenos menos rendible o hidroinflado”, concluíu o delegado de Bridgestone.
