Delagro recibe premio á mellor iniciativa cooperativa de 2015 polo Complexo Industrial das Pontes

Os premios entréganse hoxe en Santiago, con motivo do Día do Cooperativismo na Cidade da Cultura.

Delagro recibe premio á mellor iniciativa cooperativa de 2015 polo Complexo Industrial das Pontes

Planta de fertilizantes de Delagro nas Pontes

Delagro S. Coop., cooperativa de segundo grao que opera en Asturias, Cantabria e Galicia, participou na convocatoria do Concurso Iniciativas Cooperativas 2015 co seu proxecto de Complexo Multidisciplinar para Fabricación e Distribución de Fertilizantes das Pontes. A planta industrial conta unha con capacidade de produción de 50.000 toneladas de fertilizantes e un punteiro sistema loxístico que permite a almacenaxe, distribución e control, a tempo real, de insumos agrarios ás 27.000 familias asociadas a Delagro en Asturias, Cantabria e Galicia.

O premio á Mellor Iniciativa Cooperativa, impulsado pola Xunta de Galicia a través do Conselo Galego de Cooperativas con motivo da celebración do Día Internacional do Cooperativismo, entrégase hoxe na Cidade da Cultura de Galicia en Santiago de Compostela.

A iniciativa premia aqueles proxectos que mellor reflicten os valores de colaboración e crecemento social e económico a nivel local e, en particular, rural, que supón o cooperativismo e que máis significativamente contribuísen ao desenvolvemento deste en Galicia.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información