A cooperativa CLUN elixe directiva e revalida a José Ángel Blanco como presidente

A cooperativa CLUN elixe directiva e revalida a José Ángel Blanco como presidente

José Ángel Blanco foi reelixido como presidente de CLUN (Cooperativas Lácteas Unidas) durante o próximos catro anos. A súa candidatura estará integrada por nove membros que compoñen o novo consello reitor, todos eles socios gandeiros. Carmen Rodríguez ocupará a vicepresidencia e Pablo Costoya repite como secretario.

A diferenza do anterior consello da cooperativa, que estaba integrado por 28 conselleiros, o recentemente elixido obedece a un modelo que busca gañar en axilidade na toma de decisións e eficiencia nos procesos, apoiado nunha serie de comisións técnicas especializadas que buscan un maior achegamento ao socio a través de reunións periódicas que permitirán unha comunicación máis áxil entre o socio e a cooperativa, trasladando de maneira eficiente as súas necesidades e demandas.

No novo consello, que ten como obxectivo desenvolver o Plan Estratéxico 2019-2021, están representadas todas as zonas nas que a cooperativa ten presenza de maneira proporcional ao seu número de socios.

O recentemente reelixido presidente, cun 86% dos votos, José Ángel Blanco, manifestou o seu “orgullo por seguir á fronte dunha das cooperativas de referencia en Galicia e España”. Así mesmo, agradeceu “o esforzo dos consellos reitores, socios e traballadores, que fixeron posible a integración do tres cooperativas nun proxecto sólido e de futuro”, engadiu.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información