As mesas de prezos de Amio acordaron unha suba de 5 céntimos nas subclases O3, O2 e O1, en tanto en recría e becerros de abasto mantéñense as cotizacións sen cambios. Os vogais da Mesa de Prezos de gando de abasto coinciden en apreciar, non obstante, un mercado lento e pesado, así como unha tendencia xeral á baixa dos prezos da recría, en particular nos cruces.
Na Mesa de Prezos de Ternera Gallega, mantivéronse os valores da anterior sesión en todas as categorías e calidades.
Respecto do mercado gandeiro, a asistencia á sesión desta semana foi de 2.164 reses, 25 máis que a pasada semana. Houbo 1.591 cabezas de vacún menor, 249 de vacún mediano e 314 de vacún maior.
Máis información
– Táboa das cotizacións de Amio (11-IV-2018).