Prezos medios de 2.150 euros na poxa de xovencas de Acruga en Seoane do Courel

Adxudicáronse os cinco exemplares a subasta, o último deles por un importe de 2.450 euros

Prezos medios de 2.150 euros na poxa de xovencas de Acruga en Seoane do Courel

Poxa de Acruga en Seoane do Courel.

O recinto feiral de Seoane do Courel acolleu hoxe a primeira poxa de xovencas preñadas que a Asociación de Criadores de Rubia Galega (Acruga) organiza no concello de Folgoso do Courel. A estrea foi exitosa tanto en público como en vendas. Os cinco exemplares adxudicáronse por riba do prezo de saída (1.800 euros), nunha media de 2.150 euros.

O interese que suscitou a poxa plasmouse na concurrencia de 20 gandeiros con tarxetas, procedentes non só de Folgoso senón doutros concellos da comarca e máis distantes, con presenza de criadores de Lalín, Meira, Guntín, Lugo e Monforte. A primeira xovenca subastouse en 1.900 euros para un gandeiro de O Corgo, a segunda foi para Lalín en 2.100 euros e un gandeiro de Pedrafita fíxose por 2.000 co terceiro dos animais.

Os dous últimos exemplares subiron en prezos en poxas reñidas que se foron ata os 2.300 euros no cuarto animal, para un gandeiro de Meira, e ós 2.450 euros da última xovenca, para unha explotación de Pedrafita.

Asistiron á poxa o subdelegado do Goberno, Ramón Carballo; o deputado de Medio Rural da Deputación, Lino Rodríguez; a alcaldesa de Folgoso, Dolores Castro; e o presidente de Acruga, César Dorado, que incidiu en que o éxito da poxa de Seoane do Courel demostra a “crecente demanda que hai de animais de rubia galega, así como as súas excelentes cualidades”.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información