Media de 2130 euros na poxa de xovencas de Rubia Galega en Castroverde

Media de 2130 euros na poxa de xovencas de Rubia Galega en Castroverde

Poxa organizada por Acruga en Castroverde

O municipio de Castroverde recuperou este domingo a poxa de xovencas de Acruga como parte da programación das festas de Santiago Apóstolo, que levaba anos sen celebrarse.

A Asociación de Criadores de Raza Rubia Galega presentou á poxa tres xovencas preñadas do centro de recría da Granxa Gayoso Castro, que lograron un prezo medio de 2.133 euros, moi por riba do de saída, fixado en 1.800 euros.

O recinto feiral de Castroverde reuniu a numeroso público, entre os que se atopaban os doce gandeiros de varios concellos lucenses que sacaron cartón para optar á poxa.

Finalmente, un criador de Outeiro de Rei levou a primeira e a terceira xovenca, as dúas que obtiveron cotizacións máis altas, con prezos finais de 2.350 e 2.100 euros. O segundo dos exemplares foi a unha explotación de Meira e adxudicouse por 1.950 euros.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información