Estabilidade en Ternera Gallega e baixada na recría en Amio

Tras as subas das últimas sesións, a mesa de prezos da IXP Ternera Gallega acordou esta semana manter as cotizacións sen cambios. A outra mesa de prezos que funciona no mercado de Amio, a de Abasto, acordou pola súa banda baixadas en recría e en vacún maior.

No gando de recría, caen 10 euros os prezos das femias e machos lactantes de rubia galega nas calidades extra e boa. En machos lactantes de frisona, a baixada é de 5 euros nas calidades extra, boa e regular. O resto de prezos da recría mantense sen cambios.

En vacún maior, as subclases O2 e O3 baixan 5 céntimos, en tanto que o resto do vacún e os becerros de abasto repiten cotizacións.

A asistencia desta semana ó mercado de Amio foi de 2.342 reses, 358 máis que a pasada semana. Houbo 1.868 cabezas de vacún maior, 276 de vacún mediano e 193 de vacún grande.

Máis información
Táboa completa de cotizacións de Amio (3-8-2016)

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información