Continúa a caída dos becerros en Silleda

Lixeira baixada en vacún maior e estabilidade de prezos nos becerros carniceiros

Continúa a caída dos becerros en Silleda

A lonxa de Silleda prosegue coa tendencia á baixa dos becerros de recría que vén amosando nas últimas semanas. A cotización media da feira foi esta semana de 205 euros, polos 222 da anterior sesión. Nas categorías máis concurridas, a de animais de 21 a 50 días, os becerros frisóns pasaron de 174 a 148 euros; os cruzados machos de 312 a 294 e as femias de 200 a 185 euros.

En vacún maior, produciuse tamén unha lixeira baixada, pasando dos 814 euros medios da anterior sesión a 793, con caídas de cotizacións en todas as categorías de canais.

A nota de maior estabilidade deixárona os becerros carniceiros, que cotizaron a unha media de 841 euros, polos 837 da anterior sesión.

En canto á asistencia de gando á feira, houbo unha menor concurrencia pola coincidencia coa festividade do 25 de xullo. Entraron no recinto feiral case 300 animais menos que a pasada semana. Houbo 427 becerros de recría, 175 vacas e 65 becerros carniceiros.

Mesas de prezos
Nas mesas de prezos, en porcino non houbo cambios, en tanto que os ovos volveron experimentar un repunte.

silleda 25-7

Máis información
Táboa completa das cotizacións de Silleda (25-7-2017).

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información