Baixada dos prezos do gando de recría Frisón en Silleda

A Central Agropecuaria de Galicia rexistrou este martes un descenso das cotizacións dos becerros de recría de raza Frisón e dos carniceiros. Tamén houbo unha baixada xeral no vacún maior. O prezo do porco cebado manténse e baixa o dos leitóns

Baixada dos prezos do gando de recría Frisón en Silleda

Lonxa Agropecuaria de Galicia.

A Central Agropecuaria de Galicia –Abanca rexistrou este martes unha baixada dos prezos dos becerros de recría de raza Frisoa e dos carniceiros. Tamén houbo un descenso xeralizado das cotizacións do vacún maior. Nas Mesas de Prezos, o porco cebado manténse sen cambios e producíuse unha baixada do prezo dos leitóns. Os ovos continúan sen variacións esta semana.

En canto ós prezos dos becerros de recría, a baixada na Lonxa notouse nos machos de tódalas categorías. Así, nos animais de menos de 20 días o prezo medio foi de 111 euros, 3 menos que a feira pasada. Tamén nos tenreiros de 20 a 50 días houbo un descenso do prezo, neste caso de 2 euros, e situouse nos 135 euros.

A baixada máis acusada foi a dos becerros de máis de 50 días, onde o prezo baixou 29 euros ata quedar nos 146 euros.

Mentres, nas femias desta raza a única baixada foi a dos animais de menos de 20 días, onde o prezo baixou 2 euros e se situou nos 75 euros. Nas outras dúas categorías produciuse un incremento do prezo. No caso dos animais de entre 20 e 50 días foi de 18 euros e acadou os 106 euros, e nas tenreiras de máis de 50 días foi de 26 euros e situouse nos 112 euros.

Nos becerros de recría de cruces, houbo unha tendencia á alza que foi moi acusada nos animais de menos de 20 días que pasaron a cotizarse a 309 euros, 58 euros máis que a semana pasada. Tamén subiu mínimamente o prezo dos tenreiros de entre 20 e 50 días, a categoría máis numerosa, cun incremento de 1 euro e pasaron a situarse a 328 euros.

A única baixada nesta categoría produciuse nos becerros de máis de 50 días, que se situaron nos 432 euros, 33 euros menos que a feira anterior.

Tamén se rexistrou unha baixada xeral nos prezos dos becerros carniceiros. No caso dos animais de raza Frisoa acadou os 416 euros, 111 euros menos que a sesión pasada. Menos acusada foi a baixada dos tenreiros de cruces industriais, e o prezo quedou en 986 euros, 5 euros menos.

Baixada do vacún maior

En vacún maior houbo unha baixada xeral e só subiu o prezo das vacas de primeira categoría ata os 1.103 euros, 4 máis que o martes pasado. Porén, nas vacas de segunda o prezo medio foi de 712 euros, 22 euros menos. O mesmo aconteceu cos animais de desvelle, que se situaron nos 433 euros, 51 euros menos que a feira anterior.

Central-Agropecuaria-Galicia-Vacun-02_07_2019-

Nova baixada dos leitóns

En canto á mesa de cotización do porcino, o porco cebado mantívose sen cambios. O selecto e o normal quedan nos 1,485 e 1,460 euros o quilo, respectivamente. Na categoría de Canle II o prezo manténse en 1,896 euros o quilo e na de desvelle o prezo continúa entre os 0,72 e os 0,78 euros o quilo.

Os prezos do leitón baixan 1 euro, logo de rexistrar a semana pasada unha baixada de 2 euros. Así, a cotización do bacoriño de 20 quilos queda nos 66,50 euros para os animais que proceden dunha única granxa e nos 61,50 euros para os chegados de varias ganderías. O prezo por quilo é de 3,325 e 3,075 euros respectivamente.

Nesta xornada non houbo variacións no prezo dos ovos. Deste xeito, os ovos de categoría XL cotízanse a 1,31 euros a ducia, a L está en 0,99 euros, a M en 0,96 euros e a S a 0,81 euros. O prezo da galiña de desvelle experimentou un lixeiro incremento de 0,01 euros e atópase nun intervalo de 0,10 e 0,18 euros o quilo.

Por último, o prezo do coello continúa sen variacións na Lonxa de Madrid a 1,85 euros o quilo.

Central-Agropecuaria-Galicia-Porcino-02_07_2019

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información