Baixada dos becerros de recría e suba do porco cebado en Silleda

Nas mesas de prezos acordouse seguir baixando o prezo dos leitóns. Cotizacións da Central Agropecuaria de Galicia do 22 de marzo

Baixada dos becerros de recría e suba do porco cebado en Silleda

As cotizacións deste martes da Central Agropecuaria de Galicia caracterizáronse pola baixada xeneralizada dos prezos dos becerros de recría, tanto os de Frisona como os de Cruce Industrial. O vacún maior, pola contra, experimentou unha lixeira suba.

Deste xeito, nos tenreiros de Frisoa, os machos de menos de 20 días pagáronse a unha media de 94 euros, fronte aos 105 pasado martes. Sen embargo, a cifra representativa, é a dos de 21 a 50 días, con diferenza a categoría máis numerosa, onde a media foi de 113 euros por xato, oito menos que a semana pasada. E nos tenreiros de máis de 51 días si que houbo unha lixeira suba: 162 euros de media por animal fronte aos 160 do pasado martes.

Nos becerros de recría de Cruce industrial a tendencia foi tamén á baixa. Nos xatos de menos de 20 días os prezos medios foron de 160 euros de media por animal fronte aos 268 da pasada semana. Na categoría máis numerosa e representativa, a de 21 a 50 días, o prezo medio dos machos foi de 292 euros, fronte aos 314 do pasado martes. Pola contra, nos becerros de máis de 51 días e ao igual que nos de raza Frisona houbo unha lixeira suba: 464 euros fronte aos 455 da anterior sesión.

No vacún maior a tendencia foi a unha lixeira suba. Deste xeito, quedaron en 1.105 euros de media en categoría primeira, 713 en segunda -a máis numerosa- e 420 na de desvelle. A pasada semana as cotizacións foron de 1.076, 707 e 440 euros, respectivamente.

As cotizacións quedaron da seguinte maneira:

COTIZACIONS_SILLEDA_vacun_22_MARZO

Ovos sen cambios

Polo que respecta ás mesas de prezos, nos ovos acordouse manter os prezos da pasada semana: a categoría XL quedou en 1,17 euros; a L nos 1,11 euros por ducia; a M quedou en 1,08 euros e o prezo para a S fixouse nos 0,95 euros.

Nos coellos, non houbo cotización. En Madrid, onde se marcan os prezos para Galicia, os prezos mantivéronse nos 1,50 €/quilo.

Suba no porco cebado e baixada nos leitóns

En canto ao porco cebado, e despois de varias semanas consecutivas de prezos estancados, a mesa de prezos acordou unha lixeira suba dun 0,010% para as categorías Selecta, que quedou nos 0,950 euros por kilo, e Normal, ata os 0,955 euros por kilo, mentres que o Canal II subiu un 0,013% ata situarse nos 1,201 euros por kilo.

En Alemaña, o referente europeo para os prezos do porcino, a suba foi moito maior, un 0,04% ata os 1,33 euros o quilo, unha tendencia á alza que se repetiu na maioría dos países europeos.

En canto aos leitóns acordouse unha nova baixada: un 4% menos. Deste xeito quedaron nos 33 euros os procedentes de varias explotacións e nos 38 euros os procedentes dunha única explotación.

Os prezos do porcino quedaron da seguinte maneira:

COTIZACIONS_SILLEDA_porcino_22_MARZO

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información