168 granxas de coellos recibirán da Xunta unha axuda media de 1.500 euros

168 granxas de coellos recibirán da Xunta unha axuda media de 1.500 euros

Protesta dos produtores galegos de coello en Santiago o pasado novembro

O Diario Oficial de Galicia (DOG) publica este luns a resolución da Consellería do Medio Rural pola que se fan públicas as axudas para as pequenas e medianas explotacións de cría de coellos. En total, a relación definitiva de beneficiarias destas achegas ascende a 168 explotacións cunícolas, por un importe de 250.000 euros.

Con estas axudas públicas específicas para dotar de liquidez ás explotacións cunícolas preténdese paliar os efectos da crise que están a pasar debido ao baixo prezo de venda -1,65 euros o quilo na última cotización na Lonxa de Madrid- e ao alto custe das materias primas base da súa alimentación.

Cada explotación recibirá de media uns 1.450 euros, en función do número de femias reprodutoras en réxime de concorrencia non competitiva. O número total de coellas reprodutoras subvencionadas acende a 120.000.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información