Axudas para investimentos en tecnoloxías forestais

Publicidade

Administración convocante: Consellería do Medio Rural

Enlace axuda: http://www.xunta.gal/dog/Publicados/2017/20170112/AnuncioG0426-271216-0006_es.pdf

Prazo: Ata 16/03/2017

Resumo:

A Consellería de Medio Rural convocou unha liña de axudas para investimentos en tecnoloxías forestais, procesado, mobilización e comercialización de produtos forestais para o ano 2017. O orzamento destinado a esta convocatoria é de 9,6 millóns de euros.

Os posibles beneficiarios destas achegas son todas aquelas pequenas e medianas empresas do sector forestal radicadas en Galicia e inscritas no Rexistro de Empresas do Sector Forestal (Resfor).

Actividades subvencionables
Poderanse subvencionar os investimentos para promover a valorización e a comercialización de produtos derivados dos aproveitamentos forestais; así como os investimentos en maquinaria e equipos para o aproveitamento dos produtos forestais.

Tamén os custos relacionados coa mobilización, comercialización e transformación da madeira, incluídas as operacións de traballo antes do aserrado industrial nunha fábrica de aserrado (aserrado móbil ou fixo a pequena escala).

Será ademais obxecto de subvención a implementación de plans empresariais con criterios de xestión forestal sostible e a posta en marcha de cadeas de custodia dos sistemas de certificación forestal. En calquera caso, a axuda máxima por solicitante limitarase a 150.000 euros.

2 ideas sobre “Axudas para investimentos en tecnoloxías forestais

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información