Axudas para empresas transformadoras do sector forestal

A Axencia Galega da Industria Forestal convoca apoios para investimentos que permitan a valorización da madeira, resina, cortiza e outros produtos do monte, con excepción dos agroalimentarios

Publicidade

Administración convocante: Axencia Galega da Industria Forestal

Enlace axuda: https://www.xunta.gal/dog/Publicados/2018/20180807/AnuncioG0520-260718-0001_gl.html

Prazo: Ata 10/09/2018

Resumo:

A Axencia Galega da Industria Forestal vén de convocar axudas para investimentos de empresas transformadoras de produtos forestais. Poderán optar ás axudas tanto microempresas como pequenas e medianas empresas que utilicen como materia prima para a elaboración dos seus produtos a madeira, a resina, a cortiza ou outros produtos do monte, con excepción dos agroalimentarios.

A cuantía total destinada ás subvencións é de 1,2 millóns de euros, cun máximo do 40% do gasto subvencionable. O prazo para a solicitude das axudas será dun mes.

Considéranse subvencionables os seguintes investimentos:

– Compra de maquinaria nova que estea adscrita a procesos produtivos novos.

– Obras e instalacións necesarias para a correcta instalación dos investimentos obxecto de subvención.

– Tecnoloxías da información expresamente ligadas aos procesos de valorización ou á produción de novos produtos.

– Outros bens que interveñan no proceso produtivo obxecto do proxecto.

– Estudos de enxeñaría adscritos aos procesos ou técnicas anteriores.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información