Xornada sobre o oliveiral galego en Boborás

Publicidade
Xornada sobre o oliveiral galego en Boborás

Plantacións de oliveiras en Galicia.

Data inicio: 25/04/2019
Data fin: 25/04/2019
Lugar: Concello de Boborás

A Asociación de Produtores de Aceite e Aceituna de Galicia (Apaag), organiza este xoves, 25 de abril, unha nova charla sobre o oliveiral galego. Nesta ocasión a sesión impartirase na Casa do Concello de Boborás (Ourense) a partir das 20.00 horas.

Esta actividade, que abordará aspectos xerais sobre os coidados da oliveira no noso entorno, enmárcase dentro das que ao longo do ano vén facendo a asociación. O obxectivo é formar a produtores e persoas interesadas no cultivo da oliveira e, sobre todo, concienciar da importancia que este sector está a tomar en Galicia.

En concreto, na sesión abordaranse temas como a plantación de oliveiras no rural, o aproveitamento da terra e a actividade económica que xera este sector. O encargado de impartila charla será José Antonio García, presidente da asociación. Tamén contarán coa participación dun técnico en seguros para abordar a importancia de asegurar as plantacións.

 

oliveiras-boboras__

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información