Data inicio: 14/11/2019
Data fin: 14/11/2019
Lugar: Xunta De Galicia - Edificio Administrativo - Lugo, Ronda da Muralla, Lugo, España
A Oficina Agraria Comarcal (OAC) de Lugo organiza para o vindeiro día 14 de novembro unha Xornada Formativa sobre “Normativa agroforestal”. Celebrarase no salón de actos do edificio administrativo da Xunta en Lugo, en horario de 16 a 20 horas.
Os aspectos que se desenvolverán no curso son:
– Aspectos agroforestais da PAC
– Normativa básica de aplicación, especialmente nos montes veciñais en man común.
– Regulación na interfaz agroforestal
– Cambios de actividade
– Distancias das plantacións
– Obrigas dos propietarios na prevención de incendios forestais
A xornada está destinada ás persoas vinculadas profesionalmente cos sectores produtivos relacionados coa agricultura, gandería, industria agroalimentaria e cadea forestal-madeira, ou con expectativa de incorporación, en especial mozos e mozas do medio rural galego.
Para asistir é preciso presentar as solicitudes na OAC de Lugo ou no enderezo xbruna@xunta.gal