Data inicio: 16/05/2018
Data fin: 16/05/2018
Lugar: SALA EXPOSICIÓNS CAMBADOS
O vindeiro 16 de maio a Estación de Viticultura e Enoloxía de Galicia (EVEGA) organiza unha xornada sobre “Novas tendencias e procesos na elaboración de viños”. Desenvolverase no Salón de Congresos e Exposicións José Peña de Cambados (Pontevedra), en horario de mañá. Colaboran o Concello de Cambados, a Fundación Juana de Vega, o CRDO Rías Baixas e o Instituto Galego da Calidade Alimentaria (INGACAL).
Na xornada destacados enólogos e viticultores falarán sobre novos procesos como os viños avellentados no mar, ou os elaborados en depósitos de granito, de cerámica ou de barro.
As prazas dispoñibles para esta xornada son 100. O prazo de inscrición rematará o día 14 de maio agás que se esgoten antes as prazas.