Galego
Data inicio: 12/03/2016
Data fin: 12/03/2016
Lugar: Sober, Lugo, España
A Asociación de Criadores de Ovino e Caprino de Galicia (OVICA) celebra este sábado, 12 de marzo, a súa Asemblea Xeral Ordinaria que terá lugar no Salón de Actos do centro sociocultural de Sober (Lugo), ao carón do concello.
A asemblea comezará ás 10:00 horas en primeira convocatoria e ás 10:30 horas en segunda convocatoria. A orde do día da Asemblea Xeral Ordinaria é a seguinte:
1. Lectura e aprobación, se procede, da acta da Asemblea anterior.
2. Solicitudes de altas e baixas de socios, propostas de baixas por débedas e situación actual.
3. Resumo das actividades desenvoltas dende a Asociación durante o 2015.
4. Resumo de contas no 2015, e aprobación se procede, así como previsións para o 2016.
5. Renovación da Xunta Directiva: aceptaranse as candidaturas ata o momento do inicio da Asamblea.
6. Rogos e preguntas. Agardando a túa presenza, recibe un cordial saúdo.
Todos os que se desexen participar no xantar deben confirmar a asistencia antes do día 10 de marzo chamando ao tlfno: 687 778 013 (O xantar terá un custe aproximado de 15 €/persoa).
Despois da Asamblea, sobre as 11:30 h celebrarase unha mesa redonda coas dúbidas dos socios/as sobre as novidades da PAC na campaña 2016 e a tramitación das axudas de Desenvolvemento Rural (agroambiente-clima, razas autóctonas e produción ecolóxica). Tamén se resolverá calquera aclaración sobre a programación da campaña da rapa para este 2.016.
Ás 12:00 h. Haberá unha charla impartida por D. Raúl Muñiz (Director Técnico do Consello Regulador de I.G.P. Corderex – Cordero de Extremadura) que amosará a experiencia desta Cooperativa de Produtores para orientar a OVICA na implantación da marca de garantía colectiva para o cordeiro e cabrito galegos aprobada pola Xunta de Galicia no pasado mes de Decembro de 2015.
Ás dúas da tarde celebrarase o xantar no Restaurante Parada 2 na Estrada de Monforte, 1. C.P. 27460 (Sober) situado a carón do Concello.
Despois de comer, os interesados/as poden coñecer a explotación gandeira mixta de Diego, un socio que vive na Pena de Guindivós e que complementa un rabaño de ovino con reprodutoras de porcino en réxime extensivo.
Coordenadas GPS: 42.461961, -7.587436
