velutina_agrupacion_apicola

Charla informativa de Lolo Andrade sobre a loita efectiva contra a Vespa Velutina

A Agrupación Apícola de Galicia organiza o vindeiro sábado, 18 de novembro, unha charla informativa sobre “A loita máis eficaz contra a Vespa Velutina”.

Será ás 10:30 horas no Centro Empresarial Transfronteirizo, na Rúa O Pontón Nº5, en Barbadás (Ourense). O encargado de impartir a charla será Lolo Andrade, entomólogo e técnico de Protección Civil de Cambre, e que leva unha xa longa a intensa traxectoria de estudo e desenvolvemento de métodos de loita contra a expansión da avespa asiática.