O Ministerio convoca axudas para proxectos de investigación no sector apícola

O Ministerio convoca axudas para proxectos de investigación no sector apícola

O Ministerio de Agricultura, Pesca e Alimentación publicou un extracto da Resolución do Fondo Español de Garantía Agraria (FEGA), pola que se convocan subvencións para a realización de proxectos de investigación aplicada no sector apícola e os seus produtos.

Esta convocatoria, publicada o sábado no Boletín Oficial do Estado, enmárcase no programa nacional de medidas de apoio á apicultura e ten como obxectivo mellorar as condicións xerais de produción e comercialización dos produtos apícolas.

Segundo establece a Resolución, a contía máxima da axuda non superará a cantidade de 100.000 euros por proxecto subvencionable e convocatoria, coa única excepción de que se aprobase un único proxecto, nese caso a contía da axuda podería ascender a 300.000 euros, que é a totalidade do orzamento dispoñible para cada convocatoria.

Poderán presentar solicitudes de axuda as cooperativas agrarias, as sociedades agrarias de transformación, as agrupacións de defensa sanitaria e as agrupacións de calquera destas figuras que cumpran os requisitos establecidos no artigo 3 das bases reguladoras (Orde AAA/2571/2015, de 19 de novembro).

Para iso, as solicitudes de axuda cumprimentaranse segundo o modelo dispoñible na Sede Electrónica do Ministerio de Agricultura, Pesca e Alimentación (www.mapa.gob.es/es/), cuxo contido figura como anexo I da Resolución. As solicitudes irán acompañadas da documentación á que se refire o artigo 7 das bases reguladoras.

As solicitudes presentaranse no prazo de 15 días hábiles contados desde o día seguinte ao da publicación do extracto no BOE.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información