Máis de 30 apicultores venderán os seus produtos este domingo na Feira do Mel de Oleiros

Máis de 30 apicultores venderán os seus produtos este domingo na Feira do Mel de Oleiros

Este domingo, 4 de novembro, terá lugar unha nova edición da Feira do Mel de Oleiros, nas inmediacións do Mercado Municipal de Perillo. Unha escolma dos mellores apicultores galegos e españois virán a Oleiros a expoñer e vender os seus produtos.

A XXIX Feira do Mel contará con máis de 30 postos de venda e exposición. As persoas que se acheguen poderán coñecer e adquirir todo tipo de alimentos e artigos relacionados co mel, desde os máis tradicionais ata os cosméticos.

O recinto abrirá as súas portas ás 10:00 horas e pechará contra as 21:00 horas. A carpa na que se realiza o evento acollerá as actuacións de Semente Nova de Perillo, a Marola de Mera e a Orquestra Sinfónica do Concello de Oleiros.

Pola tarde, a partir das 16:30 h, realizaranse actividades de animación infantil dirixidas aos máis cativos. Para pechar haberá música, coa orquestra Israel, e magosto e queimada gratuíta para todas as persoas asistentes.

oleiros_mel

image_print
Etiquetado

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información