Lanzan en España unha gama de alimentos a base de insectos

Carrefour incorpora a súa oferta un total de dez artigos como barritas enerxéticas, snacks ou pastas que teñen insectos entre os seus ingredientes

Publicidade
Lanzan en España unha gama de alimentos a base de insectos

Nova gama de insectos nos supermercados Carrefour.

Cando hai uns anos a Organización das Nacións Unidas para a Alimentación e a Agricultura (FAO) propuxo os insectos como un alimento clave para o futuro, en España o sector alimentario vía os insectos como unha alternativa moi lonxana, máis propicia para outras culturas. O caso é que agora os alimentos a base de insectos xa chegaron ós supermercados españois. Carrefour vén de lanzar unha nova gama de alimentos con dez artigos que incorporan insectos.

A cadea de distribución explica nunha nota de prensa que con esta nova gama, o seu obxectivo é ofrecerlle ós consumidores produtos novidosos que á vez sexan sostibles e respetuosos co medioambiente. En total, Carrefour lanza dez artigos, entre os que figuran barritas enerxéticas, snacks, pasta e granolas (similar ó muesli).

Imaxe dun dos produtos da gama.

Imaxe dun dos produtos da gama.

Todos estes produtos elaboráronse integramente en Europa e contan, segundo Carrefour, “cos mellores estándares de calidade” e con ingredientes procedentes da agricultura ecolóxica. O packaging da nova gama é de papel reciclado e inclúe información detallada dos ingredientes, así como información sobre as vantaxes que o seu consumo ten a nivel nutricional e para o medioambiente.

Carrefour considera que o consumo de insectos é unha tendencia alimentaria en auxe. Desde o 1 de xaneiro deste ano, “a lexislación europea cataloga ós insectos como novo alimento”, indica Carrefour. A cadea sinala que os insectos son ricos en proteínas, vitaminas B, ácidos omega 3 e 6, aminoácidos e ferro. Carrefour tamén destaca na súa nota que a producción de insectos implica a emisión dun “99% menos de gases de efecto invernadoiro” e reduce a contaminación e consumo de auga.

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información