O número de colmeas en Galicia duplicouse nos sete anos, pasando de 88.800 en xaneiro de 2010 a un total de 157.068 en abril deste ano, e con perspectivas de seguir incrementándose de xeito notable ao longo de 2017.
Así se pon de manifesto no Censo Apícola de Galicia da Consellería do Medio Rural, que confirma o “boom” que experimentou a apicultura en Galicia nos últimos anos, impulsada polas excelentes condicións da flora dos montes galegos, e por unha crecente demanda internacional de meles escuros de elevado valor nutricional, como o producido en Galicia. Os prezos da venda a granel, que se manteñen no entorno dos 4 euros, tamén animan aos apicultores a seguir ampliando os seus colmeares.
Ourense é a provincia galega na que máis medra a apicultura
Por provincias, destaca o tirón da apicultura en Ourense, que pasou de 29.654 colmeas en 2010 a 70.208 en abril deste ano, desbancando do primeiro posto á provincia de Lugo, que pasou de 36.397 colmeas a 45.760. O feito de que en Ourense aínda se manteñan grandes masas de flora autóctona, especialmente de castiñeiro, e que apenas estea afectada pola Vespa Velutina, explican en parte este despegue da apicultura na provincia.
A terceira provincia con maior censo apícola é Pontevedra, que pasa de 10.562 colmeas en 2010 a 22.055 en 2017. A Coruña baixa ao cuarto lugar no censo apícola de Galicia: 19.050 colmeas fronte ás 12.187 censadas en 2010. Este menor incremento explícase en parte por ser a provincia galega máis afectada pola Vespa Velutina.
Outro dos datos que se extraen é que os apicultores cada vez teñen máis colmeas, o que indica unha maior profesionalización do sector. Así, mentres o número de explotacións apícolas en Galicia aumentou dende 2010 en arredor dun 20%, o número de colmeas disparouse en case un 100%.
Velaquí os resultados da evolución do censo apícola de Galicia nos últimos anos por provincias:
Ano |
A Coruña |
||
Explotacións |
Asentamentos |
Colmeas |
|
Xaneiro de 2010 | 669 | 1019 | 12187 |
Xaneiro de 2016 | 874 | 1444 | 17982 |
Abril de 2017 | 885 | 1447 | 19050 |
Ano |
Lugo |
||
Explotacións |
Asentamentos |
Colmeas |
|
Xaneiro de 2010 | 1694 | 2257 | 36397 |
Xaneiro de 2016 | 1234 | 2073 | 39728 |
Abril de 2017 | 1308 | 2313 | 45760 |
Ano |
Ourense |
||
Explotacións |
Asentamentos |
Colmeas |
|
Xaneiro de 2010 | 740 | 1186 | 29654 |
Xaneiro de 2016 | 943 | 2237 | 63893 |
Abril de 2017 | 1109 | 2696 | 70208 |
Ano |
Pontevedra |
||
Explotacións |
Asentamentos |
Colmeas |
|
Xaneiro de 2010 | 290 | 440 | 10562 |
Xaneiro de 2016 | 555 | 936 | 18350 |
Abril de 2017 | 618 | 1920 | 22055 |
Ano |
GALICIA |
||
Explotacións |
Asentamentos |
Colmeas |
|
Xaneiro de 2010 | 3393 | 4902 | 88800 |
Xaneiro de 2016 | 3616 | 6690 | 139953 |
Abril de 2017 | 3915 | 7552 | 157068 |
Abellas Nais prevé incrementar este ano un 50% o número de colmeas en Ourense
Román Cid é promotor da asociación Abellas Nais, unha nova entidade con pouco máis dun ano de vida que agrupa a novos apicultores da provincia de Ourense, especialmente da comarca de Celanova.
As perspectivas desta asociación para este ano son optimistas: “Prevemos que os nosos apicultores incrementen o número de colmeas nunha media dun 50%”. As condicións climáticas desta primavera seca e solleira estanos axudando para aumentar a cabana apícola: “os enxames están tirando moi ben, e agora estámonos dedicando a reproducir enxames e raíñas, porque se venden moi ben e queremos renovar e aumentar os nosos colmeares”.
En todo caso, aínda é cedo para establecer unha previsión para este ano, “pois depende de como veña o verán, e tamén de que aquí non chegue a Vespa Velutina”, explica Román Cid.
As vendas de mel para os apicultores desta asociación “están comportándose ben, cuns prezos de 4 euros máis Ive o kilo, aínda que temos a veces problemas cos prazos de pago”. Pero onde ve máis incertezas o promotor de Abellas Nais “é sobre todo coas importacións de mel de China e de Ucrania e a falta de información ao consumidor sobre as maiores calidades nutritivas do mel galego”.