Galego
O concello lucense de Friol celebra este domingo, 25 de marzo, unha nova edición da Feira do Queixo de Friol e do Pan de Ousá, unha cita ineludible para os amantes da gastronomía galega, que este ano xa chega á edición número 26.
Sobre 25 queixeiras e cinco panadarías confirmaron a súa presenza ese día, aumentando o número de participantes con respecto a edicións pasadas. A feira celebrarase, como cada ano, no recinto feiral, baixo unha gran carpa.
O alcalde de Friol, José Antonio Santos, calcula que sobre dez mil pezas de queixo poranse á venda, do mesmo xeito que máis de tres mil de pan de Ousá, con prezos no caso do queixo de entre sete e dez euros o quilo e do pan a 2,40 a peza.
Este é o programa da festa:
-10:00 horas: comezo da feira.
-10:30 horas: asignación de casetas.
-11:30 horas: Apertura da feira. Pasarúas e charangas: “Xesta Verde”, de Friol, e a Charanga de Vilalba.
-18:30 horas: Concerto folk de Bruno Villamor.
-23:00 horas: Romaría coa actuación da orquestra Gran Parada.
