Galego
O municipio lucense de Friol acolle este domingo, 26 de marzo, una nova edición da Feira do Queixo e do Pan de Ousá, que este ano chega á súa vintecinco edición cun completo programa de actividades para degustar estes produtos tradicionais da gastronomía galega.
A programa da feira é o seguinte:
-10:00 horas: Empeza a feira co lanzamento de foguetes.
-10:30 horas: Asignación dos stands nos que os elaboradores de queixo e pan de Ousá ofreceran o seu produto ao público, que o poderán degustar durante todo o día. O recinto conta cunha gran carpa.
-11:30 horas: Apertura da feira. Actuación dos grupos “Xesta Verde”, de Friol; da Charanga de Vilalba; da banda de tambores “As Angustias” de Ferrol, e da Charanga de Neda.
-16:30 horas. Concerto folk do grupo “Zoelas”, no Centro Sociocultural.
-22:00 horas: Romaría coa osquestra “París de Noia” e do grupo ·”D´Moda”.
-04:00 horas. Remate da XXV Feira do Queixo e do Pan de Ousá.
Características do Queixo de Friol
Cada queixería elabora os seus produtos a partir do leite obtido na súa propia explotación, e é aquí onde a calidade dos pastos de todo o concello garante a altura do produto final. O leite pasa polos tradicionais labores de callado, separación de soros, obtención do granulado da callada e moldeado e secado posterior, comúns á elaboración de todos os queixos, pero especiais en cada unha das queixerías que en Friol, como resultado dos coñecementos herdados dunha longa tradición, conseguiron elaborar estes produtos de calidade recoñecida.
Queixo de Friol. Autor: http://unpaseounafoto.blogspot.com.es
O resultado final é un queixo graxo e suave, de corteza fina e de pasta branca ou levemente amarela no seu interior. Na súa variedade máis fresca é de cor branca, cunha masa pouco compacta e de sabor suave. Despois duns días de curación en locais con temperatura e humidade axustadas, obtense un queixo de textura cremosa, cuxo cor vai cambiando ao amarelo e cuxo sabor se vai enchendo con aportes da maduración, suaves aínda, pero sempre herdeiros directos do sabor orixinal do leite. Finalmente, ao cabo dun período de dous ou tres meses de curación e volteado, obtense un queixo máis firme, de cor amarelada máis uniforme, de sabor intenso e salgado.
A forma que se lle dá ao queixo é cilíndrica, en pezas de diferentes tamaños. Cada unha delas é o resultado que se obtén da aplicación de técnicas de elaboración milenarias baixo o control dos modernos sistemas sanitarios e de calidade. Galicia é terra de choivas abundantes e nutritivos pastos, e por iso terra de queixos que se converteron en produtos gastronómicos de calidade contrastada.
As diferenzas nas técnicas de produción e nas condicións e tempos de maduración dan lugar a diferentes tipos de queixos, entre os que o de Friol ocupa un lugar destacado, tanto polas súas características de sabor, aroma e textura, como polo número de produtores que continúan o desenvolvemento desas técnicas tradionais.
O pan de Ousá
O Pan de Ousá é o resultado dunha longa tradición na elaboración do pan galego, caracterizado polo seu formato de fogaza algo alongada, cun corte transversal pronunciado, unha codia fina e unha miga fragrante, compacta e suave.
Os ingredientes deste tesouro gastronómico son os mesmos que se utilizan no resto do mundo para elaborar o pan: fariña de cereal, xeralmente trigo, fermento, sal e auga, pero o resultado obtido aquí nin é común nin se pode comparar coa maioría dos que atopamos cada mañá nos mercados.
En Friol o pan sempre se elaborou nas casas como alimento diario básico das
familias. A recolección do trigo, do centeo ou do millo, que de todos eles se obteñen pans de exquisito sabor, o seu almacenamento e moenda para a obtención da fariña e o amasado e forneado final, constitúen un proceso ben coñecido nos fogares tradicionais.
O fundamento da elaboración do pan é o fermento, composto que se obtén tradicionalmente do repouso durante uns días dunha mestura de fariña e auga, nun proceso durante o que se xera de forma natural esa sustancia viva, primordial, que ao ser engadida posteriomente á nova mestura de fariña e auga dará lugar á súa fermentación, liberando e descompondo os diversos substratos orgánicos que contén e producindo o levado da masa. Este é o fundamento.
