44 establecementos turísticos promocionarán os produtos alimentarios co selo de Galicia Calidade

O conselleiro de Economía, Emprego e Industria, Francisco Conde, e a directora de Turismo de Galicia, Nava Castro, participaron na entrega de diplomas aos primeiros 44 establecementos turísticos galegos que contan xa co selo de Galicia Calidade

44 establecementos turísticos promocionarán os produtos alimentarios co selo de Galicia Calidade

O conselleiro de Economía, Emprego e Industria, Francisco Conde, acompañado da directora de Turismo de Galicia, Nava Castro, asistirá á entrega de diplomas de Galicia Calidade a establecementos turísticos.

O conselleiro de Economía, Emprego e Industria, Francisco Conde, participou este luns, xunto coa directora de Turismo de Galicia, Nava Castro, na entrega de diplomas aos primeiros 44 establecementos turísticos (43 hoteis, restaurantes e casas rurais e o porto deportivo de Sanxenxo) que contan co selo de Galicia Calidade.

Esta distinción de calidade é posible grazas ao acordo co Clúster de Turismo de Galicia para facer extensiva a marca ao sector.

No acto, o conselleiro de Economía, Emprego e Industria destacou que Galicia Calidade acredita xa máis de 300 produtos de máis de 100 empresas, e que agora é tamén un valor engadido do turismo galego, reforzando certificados estatais como a Q de calidade, coa que contan xa 282 establecementos galegos.

Os produtos alimentarios galegos xa amparados por Galicia Calidade estarán na carta dos 44 establecementos

Conde subliñou ademais que esta marca avala o servizo e a atención que recibe o viaxeiro, e é ao mesmo tempo unha garantía de que moitos dos produtos alimentarios xa amparados baixo as Denominacións de Orixe Galega e as Indicacións Xeográficas Protexidas están na carta das empresas recoñecidas con esta certificación, establecendo sinerxías co turismo, un sector estratéxico que representa o 11% do PIB galego e o 12% do emprego.

Pódese consultar a lista completa dos hoteis, casas rurais e restaurantes certificados por Galicia Calidade en http://www.galiciacalidadelecer.gal/

image_print

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información